Three Cups of Tea : ಮನ ತಟ್ಟುವ ಸೇವಾ ಕಥನ

ಆತ ಒಬ್ಬ ಪರ್ವತಾರೋಹಿಯೂ ಅಲ್ಲ. ಪರ್ವತಾರೋಹಿಗಳಿಗೆ ವೈದ್ಯಕೀಯ ನೆರವು ನೀಡುವ ಸಹಾಯಕ. ಆದರೂ ಕೆ೨ ಪರ್ವತದ ತುತ್ತ ತುದಿ ತಲುಪಲು ಯತ್ನಿಸಿದ. ಪ್ರೀತಿಯ ತಂಗಿಯ ಕೊರಳಹಾರವನ್ನು ಆ ಶಿಖರಾಗ್ರದಲ್ಲಿ ಹುಗಿದು ಅವಳ ನೆನಪನ್ನು ಆಗಸದೆತ್ತರದಲ್ಲಿ ನೆಡುವ ಭಾವುಕ ಅಣ್ಣನೂ ಆಗಿದ್ದ ಆತ ೨೮೨೬೭ ಅಡಿ ಎತ್ತರದ, ಜಗತ್ತಿನ ಎರಡನೇ ಅತಿ ಎತ್ತರದ ಶಿಖರವನ್ನು ಹತ್ತಲು ಯತ್ನಿಸಿದ. ಆಗಲಿಲ್ಲ. ದಾರಿಯಲ್ಲಿ ಜೊತೆಗಾರರಿಂದ ತಪ್ಪಿಸಿಕೊಂಡ. ಹೇಗೋ ದಿನರಾತ್ರಿಗಳನ್ನು ಕಳೆದ. ಹಿಮಪಾತದ ಭೀಕರತೆಯಿಂದ, ಸಾವಿನ ಹೊರಳಿನಿಂದ ತಪ್ಪಿಸಿಕೊಂಡ. ಕೆಳಗಿಳಿದು ಬಂದ. ಸಹಾಯಕ ಮುಝಾಫಿರ್ ಆಲಿಯನ್ನು ಕಂಡು ಕೈ ಬೀಸಿದ. 

"Three Cups of Tea : ಮನ ತಟ್ಟುವ ಸೇವಾ ಕಥನ"